20 ဂဒ်တပ်ကို ဒွေလသားဧလျာသပ်အုပ်ရ၏။
21 ကောဟတ်သားတို့သည် သန့်ရှင်းရာဌာနတန်ဆာတို့ကိုထမ်းလျက် ချီသွားကြ၏။ သူတို့မရောက်မှီ အရင်သွားသောသူတို့သည် တဲတော်ကို ထူထောင် ရကြ၏။
22 ဧဖရိမ်တပ်အစဉ်အတိုင်းအလုံးအရင်းတို့သည် အလံနှင့်တကွ ချီသွားကြ၏။ ဧဖရိမ်တပ်ကို အမိဟုဒ်သားဧလိရှမာအုပ်ရ၏။
23 မနာရှေတပ်ကို ပေဒါဇုရသားဂါမလျေလအုပ်ရ၏။
24 ဗင်္ယာမိန်တပ်ကို ဂိဒေါနိသားအဘိဒန်အုပ်ရ၏။
25 နောက်ဆုံးတပ်တည်းဟူသော ဒန်တပ်အစဉ်အတိုင်း အလုံးအရင်းတို့သည် အလံနှင့်တကွ ချီသွားကြ၏။ ဒန်တပ်ကို အမိရှဒ္ဒဲသားအဟေဇာအုပ်ရ၏။
26 အာရှာတပ်ကို ဩကရန်သားပါဂျေလအုပ်ရ၏။