1 တဖန်ထာဝရဘုရားသည် မောရှေအားမိန့်တော်မူသည်ကား၊
2 ဣသရေလအမျိုးသားတို့အား ငါပေးသောခါနာန်ပြည်ကို စူးစမ်းစေခြင်းငှါ၊ အမျိုးအနွယ်အသီးအသီးထဲက အဆွေအမျိုးသူကြီးဖြစ်သောသူ တမျိုးတယောက်စီ ရွေးကောက်၍စေလွှတ်လော့ဟု၊
3 ထာဝရဘုရားမှာထားတော်မူသည်အတိုင်း၊ မောရှေသည် လူတို့ကို ပါရန်တောက စေလွှတ်လေ၏။ စေလွှတ်သောသူအပေါင်းတို့သည် ဣသရေလအမျိုး၌ အကဲအမှူးဖြစ်ကြ၏။
4 သူတို့အမည်ကား၊ ရုဗင်အမျိုး၊ ဇက္ကုရသားရှမွာ။
5 ရှိမောင်အမျိုး၊ ဟောရိသား၊ ရှာဖတ်။
6 ယုဒအမျိုး၊ ယေဖုန္နသားကာလက်၊
7 ဣသခါမအမျိုး၊ ယောသပ်သားဣဂါလ။