14 သင်တို့တွင် တည်းခိုသောတပါးအမျိုးသားဖြစ်စေ၊ အခြားတပါးသောသူဖြစ်စေ၊ မီးဖြင့်ပူဇော်၍ ထာဝရဘုရားအဘို့ မွှေးကြိုင်သောအနံ့ရှိစေခြင်းငှါ အလိုရှိလျှင်၊ သင်တို့ပြုသည်နည်းတူ သူသည်လည်းပြုရမည်။
15 ပရိသတ်အဝင်ဖြစ်သောသူ၊ သင်တို့တွင် တည်းခိုသော တပါးအမျိုးသားဖြစ်သောသူတို့သည်၊ သင်တို့အမျိုးအစဉ်အဆက်စောင့်ရသော တပါးတည်းသောထုံးစံရှိ၍၊ ထာဝရဘုရားရှေ့တော်၌ သင်တို့သည်ဖြစ်သည်နည်းတူ သူသည်လည်း ဖြစ်ရမည်။
16 သင်တို့ကိုယ်တိုင်မှစ၍ သင်တို့တွင်တည်းခိုသော တပါးအမျိုးသားတို့သည် တပါးတည်းသောတရား၊ တပါးတည်းသောထုံးစံရှိရကြမည်ဟု မိန့်တော်မူ၏။
17 တဖန်မောရှေအားထာဝရဘုရားက၊ သင်သည် ဣသရေလအမျိုးသားတို့အား ဆင့်ဆိုရမည်မှာ၊
18 ငါပို့ဆောင်သောပြည်သို့ သင်တို့သည်ရောက်၍၊
19 ထိုပြည်၌ဖြစ်သော မုန့်ကိုစားကြသောအခါ၊ ထာဝရဘုရားအားချီးမြှောက်ရာ ပူဇော်သက္ကာကို ဆက်ရမည်။
20 အဦးနယ်သောမုန့်စိမ်းဖြင့် လုပ်သောမုန့်ပြားကို ချီမြှောက်ရာပူဇော်သက္ကာပြု၍ ကောက်နယ်တလင်းထဲကချီမြှောက်ရာ ပူဇော်သက္ကာကိုပြုသကဲ့သို့ ချီမြှောက်ရမည်။