12 သုံးရက်မြောက်သောနေ့၌ ထိုပြာနှင့် ကိုယ်ကိုသန့်ရှင်းစေ၍၊ ခုနစ်ရက်မြောက်သောနေ့၌ စင်ကြယ်လိမ့်မည်။ သုံးရက်မြောက်သောနေ့၌ ကိုယ်ကို မသန့်ရှင်းစေလျှင်၊ ခုနစ်ရက်မြောက်သောနေ့တိုင်အောင်မစင်ကြယ်ရ။
13 လူသေကောင်ကိုထိ၍ ကိုယ်ကိုမသန့်ရှင်းစေသောသူသည်၊ ထာဝရဘုရား၏ တဲတော်ကို ညစ်ညူးစေ၏။ ထိုသူကို ဣသရေလအမျိုးမှပယ်ရှင်းရမည်။ စင်ကြယ်စေသောရေဖြန်းခြင်းကိုမခံသောကြောင့် မစင်ကြယ်ဖြစ်၏။ စင်ကြယ်ခြင်းသို့မရောက်သေး။
14 တဲ၌လူသေလျှင် စောင့်ရသောတရားဟူမူကား၊ တဲသို့ဝင်သောသူ၊ တဲ၌ရှိနေသောသူအပေါင်းတို့သည် ခုနစ်ရက်ပတ်လုံးမစင်ကြယ်ဖြစ်ကြလိမ့်မည်။
15 မဖုံးဘဲဖွင့်ထားသောအိုးရှိသမျှတို့သည်လည်း မစင်ကြယ်ဖြစ်ကြလိမ့်မည်။
16 သတ်၍သေသောသူ၊ နာ၍သေသောသူ၊ လူသေအရိုး၊ လူသင်္ချၖိုင်းကို လယ်ပြင်၌တွေ့၍ထိလျှင်၊ ခုနစ်ရက်ပတ်လုံးမစင်ကြယ်ဖြစ်လိမ့်မည်။
17 မစင်ကြယ်သောသူဘို့ အပြစ်ကင်းစေရာ မီးရှို့သောနွားမ၏ပြာအချို့ကိုယူ၍၊ စီးသောရေနှင့်အတူအိုး၌ထည့်ပြီးမှ၊
18 စင်ကြယ်သောသူသည်၊ ဟုဿုပ်ပင်ညွန့်ကို ရေ၌နှစ်၍တဲပေါ်မှာ၎င်း၊ တန်ဆာများ၊ တဲ၌ရှိသောလူများပေါ်မှာ၎င်း၊ လူသေအရိုး၊ သတ်၍သေသောသူ၊ နာ၍သေသောသူ၊ လူသင်္ချၖိုင်းကိုထိသောသူပေါ်မှာ၎င်း၊ ထိုရေကိုဖြန်းရမည်။