9 ယုဒတပ်နှင့်ဆိုင်သောအလုံးအရင်း အရေအတွက်ကား တသိန်းရှစ်သောင်း ခြောက်ထောင်လေးရာရှိသတည်း။ ဤသူတို့သည် တပ်ဦးအရာ၌ချီရကြမည်။
10 တောင်မျက်နှာ၌၊ ရုဗင်တပ်အလုံးအရင်းသည် ရုဗင်အလံကိုထူ၍ ရှေဒုရသားဧလိဇုရသည် ရုဗင်အမျိုးသားတို့တွင် ဗိုလ်လုပ်ရမည်။
11 သူအုပ်ရသောအလုံးအရင်းအရေအတွက်ကား၊ လေးသောင်း ခြောက်ထောင်ငါးရာရှိသတည်း။
12 ရုဗင်တပ်အနားမှာရှိမောင်တပ်ချ၍ ဇုရိရှဒ္ဒဲသားရှေလုမျေလသည်၊ ရှိမောင်အမျိုးသားတို့တွင် ဗိုလ်လုပ်ရမည်။
13 သူအုပ်ရသောအလုံးအရင်းအရေအတွက်ကား၊ ငါးသောင်းကိုးထောင် သုံးရာရှိသတည်း။
14 ထိုနောက်ဂဒ်တပ်ချ၍၊ ဒွေလသားဧလျာသပ်သည်၊ ဂဒ်အမျိုးသားတို့တွင် ဗိုလ်လုပ်ရမည်။
15 သူအုပ်ရသော အလုံးအရင်းအရေအတွက်ကား၊ လေးသောင်းငါးထောင် ခြောက်ရာငါးဆယ်ရှိသတည်း။