24 သတ္တမနေ့၌ မိမိအဝတ်ကိုလျှော်ပြီးမှ၊ စင်ကြယ်ခြင်းရှိ၍၊ တပ်ထဲသို့ဝင်ရကြမည်ဟု မှာထားလေ၏။
25 ထာဝရဘုရားကလည်း၊ သင်နှင့် ယဇ်ပုရောဟိတ်ဧလာဇာ၊
26 ပရိသတ်အဆွေအမျိုးသူကြီးတို့သည်၊ ယခုလက်ရသိမ်းယူခဲ့သော ဥစ္စာ၊ လူ၊ တိရစ္ဆာန်အပေါင်းတို့ကိုယူ၍၊
27 ထက်ဝက်ခွဲပြီးလျှင် တဝက်ကိုစစ်မှုထမ်း၍ အတိုက်သွားသောသူတို့အား၎င်း၊ တဝက်ကို ပရိသတ်အပေါင်းတို့အား၎င်း ပေးဝေလော့။
28 စစ်တိုက်သွားသောစစ်သူရဲတို့သည်၊ ထာဝရဘုရားအားပေးရသောအခွန်ကို ခွဲ၍ လူ၊ နွား၊ မြည်း၊ သိုးအကောင်းငါးရာတွင် တကောင်ကိ ကောက်ယူပြီးလျှင်၊
29 သူတို့ခံရသောထက်ဝက်အဘို့ထဲကနှုတ်၍၊ ထာဝရဘုရားရှေ့တော်၌ ချီမြှောက်ရာ ပူဇော်သက္ကာပြုဘို့ရာ ယဇ်ပုရောဟိတ်ဧလာဇာအား ပေးရမည်။
30 ဣသရေလအမျိုးသားခံရသော ထက်ဝက်အဘို့ထဲကလည်း လူ၊ နွား၊ မြည်း၊ သိုးအစရှိသော တိရစ္ဆာန်မျိုးအကောင်ငါးဆယ်တို့တွင် တကောင်ကိုကောက်ယူ၍ ထာဝရဘုရား၏တဲတော်ကိုစောင့်သော လေပိသားတို့အားပေးရမည်ဟု၊