35 ယောက်ျားနှင့် မဆက်ဆံဘူးသောမိန်းမ သုံးသောင်းခုနစ်ထောင် ရှိသတည်း။
36 စစ်တိုက်သွားသော သူတို့ခံရသော ထက်ဝက်အဘို့ကား၊ သိုး သုံးသောင်းခုနစ်ထောင်ငါးရာ ရှိသည်ဖြစ်၍၊
37 ထာဝရဘုရားခံရသောအခွန်ကား၊ သိုးခြောက်ရာခုနစ်ဆယ်ငါးကောင်တည်း။
38 နွားသုံးသောင်းခြောက်ထောင်ရှိသည်ဖြစ်၍၊ ထာဝရဘုရားခံရသောအခွန်ကား၊ နွားခုနစ်ဆယ်နှစ်ကောင်တည်း။
39 မြည်းသုံးသောင်းငါးရာရှိသည်ဖြစ်၍ ထာဝရဘုရားခံရသောအခွန်ကား၊ မြည်းခြောက်ဆယ်တကောင်တည်း။
40 လူတသောင်းခြောက်ထောင်ရှိသည်ဖြစ်၍ ထာဝရဘုရားခံရသောအခွန်ကား၊ လူသုံးဆယ်နှစ်ယောက်တည်း။
41 ထာဝရဘုရားမှာထားတော်မူသည်အတိုင်း၊ မောရှေသည် ရှေ့တော်၌ ချီးမြှောက်ရာပူဇော်သက္ကာပြုဘို့ရာအခွန်ကို ယဇ်ပုရောဟိတ်ဧလာဇာအား အပ်ပေးလေ၏။