42 မေရာရိသားတို့တွင်အသက်သုံးဆယ်လွန်၍ ငါးဆယ်မမှီ၊
43 ပရိသတ်စည်းဝေးရာတဲတော်အမှုကိုဆောင်ခြင်းငှါ၊ အလုံးအရင်းဝင်သော သူအပေါင်းတို့ကို ဘိုးဘအဆွေအမျိုးအလိုက်ရေတွက်၍
44 စာရင်းသွင်းသောလူပေါင်းကား သုံးထောင်နှစ်ရာရှိသတည်း။
45 ဤသူတို့သည် မောရှေ၌ ထာဝရဘုရားမှာထားတော်မူသည်အတိုင်း မောရှေနှင့် အာရုန်သည် ရေတွက်သောမေရာရိအဆွေအမျိုးသားပေတည်း။
46 ထိုသို့နှင့်အညီ၊ လေဝိသားတို့တွင် အသက်သုံးဆယ်လွန်၍ ငါးဆယ်မမှီ၊
47 ပရိသတ်စည်းဝေးရာ တဲတော်အမှုတော်ကိုစောင့်၍ ဝန်များကိုထမ်းခြင်းငှါ ဝင်သောသူအပေါင်းတို့ကို၊
48 ဘိုးဘအဆွေအမျိုးအလိုက်မောရှေနှင့် အာရုန်အစရှိသောဣသရေလအမျိုး သူကြီးတို့သည်ရေတွက်၍ စာရင်းသွင်းသောလူပေါင်းကား ရှစ်ထောင် ငါးရာရှစ်ဆယ်ရှိသတည်း။