21 Na ‘ou nofo i luga i le taeao e fa‘asusu i la‘u tama, fa‘auta, ‘ua oti ia; ‘ua ‘ou matuā matamata i ai i le taeao, fa‘auta, e lē o la‘u tama tane na ‘ou fānaua.”
22 ‘Ona fai mai lea o le isi fafine, “E leai, a o lo‘o ola o la‘u tama lea, a o lē ‘ua oti o lau tama lea.”A ‘ua fai mai le tasi, “E leai; a o lē ‘ua oti o lau tama lea, a o lē ‘ua ola o la‘u tama lea;” ‘ua fa‘apea ‘ona la tautalatala i luma o le tupu.
23 ‘Ona fai atu lea o le tupu, “‘Ua fai mai le tasi, ‘O lē ‘ua ola o la‘u tama lea, a o lē ‘ua oti o lau tama lea;’ a ‘ua fai mai le isi, ‘E leai; a o lē ‘ua oti o lau tama lea, a o lē ‘ua ola o la‘u tama lea.’”
24 ‘Ona fai ane lea o le tupu, “‘Inā ‘aumaia se pelu.” ‘Ona latou ‘aumai lea o le pelu i luma o le tupu.
25 ‘Ua fa‘apea mai fo‘i le tupu, “‘Ia isilua le tama o lo‘o ola ma avatu le tasi itū i le tasi ma le isi itū i le isi.”
26 ‘Ona fai mai ai lea i le tupu o le fafine e ana le tama o lo‘o ola, ‘ua fa‘apea mai, (auā ‘ua mutimutivale lona loto ‘ona o lana tama,) “Le ali‘i e, avatu le tama o lo‘o ola ‘iā te ia, ‘aua lava ne‘i fasioti ‘iā te ia.”A ‘ua fai mai le tasi, “‘Aua le ‘aumai ‘iā te a‘u, pe avatu ‘iā te oe, ‘ae isilua ia.”
27 ‘Ona fai atu lea o le tupu, ‘ua fa‘apea atu, “‘Inā ‘ave ia o le tama o lo‘o ola ‘iā te ia, ‘aua lava ne‘i fasioti ‘iā te ia, o lona tinā lenā.”