1 A o Topita ‘ua si‘i lona leo ma vivi‘i atu i le Atua o fa‘apea ane:E fa‘avavau ‘ona silisili lava oe, le Ali‘i e,a o lou mālō fo‘i e tumau i le fa‘avavau lava.
2 Auā o oe e fasioti ma fa‘aola,‘e te fa‘aifo i seoli ma fa‘afo‘i a‘e,e leai fo‘i sē na te ‘alo ‘ese i lou ‘a‘ao.
3 Vivi‘i atu i le ALI‘I, o ‘outou le fānauga a Isaraelu,ma fa‘amanū ‘iā te ia i luma o nu‘u ‘ese.
4 Auā o le mea lava lea na ia fa‘ata‘ape‘ape ai‘outou i totonu o nu‘u ‘ese ‘ua latou lē iloa o ia,‘ina ‘ia ‘outou ta‘uta‘u atu ai ana vāvega,ma fa‘ailoa atu ‘iā te i latou e leai se tasi Atua mamana, ‘ua na o ia lava.
5 O ia lava na sasa ‘iā i tatou ‘ona o a tatou amio leaga;o ia fo‘i na te fa‘aolaina i tatou ‘ona o lona agaalofa.
6 O lenei, ‘inā va‘ava‘ai ia ‘outou o mea na ia faia ‘iā te i tatou,ma ‘ia vivi‘i atu ‘iā te ia ma le mata‘u ma le tetemū;ma ‘ia ‘outou fa‘ane‘ene‘e atu i le Tupu o le vavau, ‘iā ‘outou amioga.
7 A o a‘u, ‘ou te vivi‘i atu ‘iā te ia i le nu‘u ‘ua tāfea ai a‘u,auā ‘ua na fa‘aalia lona mamalu i le nu‘u amio leaga.
8 ‘Inā liliu ia ‘outou, o tagata agasala ma fai le amiotonu i luma o le Atua,ma le fa‘alagolago e agalelei mai o ia ‘iā te ‘outou.
9 A o a‘u ma lo‘u nei agaga,ma te ‘oli‘oli ‘iā te ia.
10 ‘Ia fa‘amanū atu i le Ali‘i, o ‘outou o ona tagata filifilia uma lava,‘ia ‘outou tala‘i aso o le fiafia ma vivi‘i atu ‘iā te ia.
11 Ierusalema e, le ‘a‘ai o le Atua,‘ua sasaina oe e le Ali‘i ‘ona o galuega a ou lima.
12 ‘Ia e vivi‘i atu i le Ali‘i i au amioga lelei,ma fa‘amanū atu i le Atua o le fa‘avavau,‘ina ‘ia toe ati a‘e e ia lona malumalu i totonu ‘iā te oe,ma ia toe fa‘afo‘i mai ‘iā te oe le tāfeaga uma lava,‘ona e ‘oli‘oli ai lea i le fa‘avavau fa‘avavau lava.
13 E pupula lava oe i le malamalama tele,e ifo fo‘i ‘iā te oe o tulu‘iga uma o le lalolagi.
14 E ō mai ‘iā te oe o nu‘u ‘ese mai le mea mamao,latou te ‘aumaia fo‘i ni mea alofa ma ifo i le Ali‘i ‘ua ‘iā te oe,e ‘avea lou ‘ele‘ele ma nu‘u pa‘ia ‘iā te i latou.
15 Auā latou te vala‘au mai i le suafa mamalu i totonu ‘iā te oe.
16 E fetu‘uina o ē ‘ino‘ino ‘iā te oe,e fa‘asalaina uma o ē fāifai ‘iā te oe,‘ae fa‘amanuiaina o ē ati a‘e ‘iā te oe.
17 ‘Ae ‘oli‘oli lava oe i lau fānau,auā e fa‘amanuiaina uma i latou ma fa‘apotopotoina i latou i luma o le Ali‘i.
18 ‘Amu‘ia o ē alolofa ‘iā te oe ma ē fiafia i lou manuia.
19 Lo‘u agaga e, ‘ia e fa‘amanū i le Ali‘i,auā o le Ali‘i lo tatou Atua ‘ua na lavea‘iinalona ‘a‘ai o Ierusalema a‘i ona puapuagā uma lava.
20 ‘Amu‘ia lava a‘u pe ‘āfai e totoe ni isi o lo‘u gafae va‘ava‘ai i le mamalu o Ierusalema.
21 E gaosia faitoto‘a o Ierusalema i le safaira ma le samaraki,a o le ma‘a tāua e faia ai le ‘ato‘atoao le pavali e fa‘ata‘ali‘oli‘o ‘iā te ia.
22 E folasia ona malae uma i le ma‘a pa‘epa‘e ma le mamā,e pese fo‘i Aleluia i ona fuaiala.
23 ‘Ia fa‘amanūina le Ali‘i ‘ua na fa‘amamalu ‘iā te ia,‘ia tumau fo‘i lona mālō ‘iā te iai le fa‘avavau fa‘avavau lava. Amene.