15 batho ba Juda ba etsa ditlatse; ha batho ba Juda ba etsa ditlatse, Jehova a qhala Jeroboame le Baiseraele bohle pela Abija le Juda;
16 bana ba Iseraele ba baleha pela Bajuda, mme Modimo wa ba neela matsohong a bona.
17 Abija le batho ba hae ba ba bolaya jwalo ka polao e kgolo, ha ba ha wa ho Baiseraele batho ba kgethilweng ba dikete tse makgolo a mahlano.
18 Bana ba Iseraele ba kokobetswa jwalo mohlang oo, mme bana ba Juda ba hlola, ka baka la hobane ba ne ba itshetlehile ka Jehova, Modimo wa bontata bona.
19 Abija a phallela Jeroboame, mme a mo amoha metse e meng, e le Bethele le metsana ya teng, le Jeshana le metsana ya teng, le Efrone le metsana ya teng.
20 Matsatsing a Abija, Jeroboame ha a ka a hlola a ipha matla, Jehova a ba a mo otla, a shwa.
21 Empa Abija a ipha matla, a nyala basadi ba leshome le metso e mene, mme a tswala bara ba mashome a mabedi a metso e mmedi le baradi ba leshome le metso e tsheletseng.