12 ha tliswa teng ka mokgwa o sa belaetseng kabelo e ntshitsweng, le karolo ya leshome, le dintho tse kgethehileng. Konania, Molevi a bewa modisa wa tsona, wa bobedi e le Shimei ngwanabo;
13 boJehiele, Asaria, Nahathe, Asaele, Jerimothe, Josabade, Eliele, Jismakia, Mahathe, le Benaia ba bewa bahlahlobi tsamaisong ya Konania le Shimei ngwanabo, ka taelo ya morena Esekiase le ka ya Asaria, motsamaisi wa ntlo ya Modimo.
14 Kore, mora Jimna Molevi, molebedi wa monyako o ka nqa botjhabatsatsi, a bewa modisa wa dimpho tse etsetswang Modimo ka ho rata, hore a abe dikabelo tse ntshetswang Jehova le dintho tse kgethehileng haholo.
15 Katlase ho yena, metseng ya baprista ho ne ho na le Edene, le Minjamine, Joshua, Shemaia, Amaria, le Shekania, ba neilwe kabelo ya botshepehi ya ho abela banababo bona, ka ho ya ka dihlopha tsa bona, e moholo le e monyenyane,
16 e le hore ba abele ba ngodilweng mangolong a masika a bona e le ba batona, ho qala ka ba dilemo tse tharo le ba kapele, e leng bohle ba kenang tlung ya Jehova ka tsatsi le leng le le leng, ka mosebetsi wa tshebeletso ya dikabelo tsa bona, le ka dihlopha tsa bona;
17 le baprista, ba ngodilweng ka matlo a bontata bona moholo, le Balevi, ho qala ka ba dilemo tse mashome a mabedi le ba kapele, ka dikabelo tsa bona le ka dihlopha tsa bona;
18 le ka palo ya bana ba bona ba banyenyane, le basadi ba bona, le bara ba bona le baradi ba bona, e leng phutheho yohle; hobane ke ka baka la botshepehi ba bona ba neng ba tshwara mosebetsi wa ho aba ntho tse kgethehileng.