Numere

¹³ho la Asere, Pagiele, mora Okrane; ¹⁴ho la Gade, Eliasafe, mora Deuele; ¹⁵ho la Nefthali, Akira, mora Enane. ¹⁶Ke bona bao ba kileng ba memuwa phutheho; ke marena a meloko ya bontata bona; ke tsona dihlooho tsa dikete tsa Iseraele. ¹⁷Moshe le Aarone ba nka banna bao ba neng ba tswa thonngwa, ¹⁸ba mema phutheho yohle ka tsatsi la pele la kgwedi ya bobedi; e mong le e mong a bolela lesika la hae, ka ntlo ya hae, le ka ntlo ea bontatae; ha ngolwa ka bonngwe mabitso wohle a bona, ho qala ka ba dilemo tse mashome a mabedi ho isa ho ba fetang moo. ¹⁹Moshe, kamoo a neng a laetswe ke Jehova kateng, a fela a ba bala, lefeelleng la Sinai.