1 Ka letsatsi leo Moshe a qetang ho emisa tabernakele, a e tlotsa, a e halaletsa le mesebetsi yohle ya yona, le aletare, le mesebetsi yohle ya yona; a di tlotsa, mme a di kgetha.
2 Yaba marena a Iseraele, dihlooho tsa matlo a bontata bona, tseo e leng marena a meloko, a beilweng ho hlahloba ho balwa ha setjhaba, a hlahisa dikabelo tsa wona.
3 A tlisa dikabelo tsa wona pela Jehova, e leng makoloi a tsheletseng a ditente, le dipholo tse leshome le metso e mmedi, ke ho re, koloi e le nngwe ka marena a mabedi, pholo e le nngwe ka morena a le mong; a di hlahisa pela tabernakele.
4 Jehova a bua le Moshe, a re:
5 Amohela dintho tseo ho bona, ho tle ho etswe tshebetso ya tente ya pokano ka tsona; o di abele Balevi, o nee e mong le e mong ka tshebetso ya hae.
6 Yaba Moshe o nka makoloi le dipholo, a di nea Balevi.
7 A nea bara ba Gershone, ka ho lekanyetsa mosebetsi wa bona, makoloi a mabedi le dipholo tse nne;
8 a nea bara ba Merari, ka ho lekanyetsa mosebetsi wa bona, makoloi a mane le dipholo tse robileng meno e le mmedi; ba ne ba le pusong ya Ithamare, mora Aarone, moprista.
9 Empa a se ke a nea bara ba Kehathe letho, kahobane ba ne ba beetswe tshebetso ya ho jara ntho tsa sehalalelo ka mahetla a bona.
10 Ka tsatsi leo aletare e neng e kgakolwe ka lona, mohla e tlotswang, marena a tlisa dikabelo tsa wona, marena a hlahisa dikabelo tsa wona pela aletare.
11 Jehova a re ho Moshe: Marena a ke a hlahise dikabelo tsa wona tsa ho kgakola aletare e mong ka tsatsi le leng, e mong ka le leng.
12 Ya kileng a hlahisa kabelo ya hae ka tsatsi la pele, ya eba Nasone, mora Amminadabe, wa leloko la Juda.
13 Kabelo ya hae ya eba mokeke wa silefera, boima ba wona e le dishekele tse lekgolo le nang le mashome e mararo; le morifi wa silefera, tse mashome a supileng, o leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
14 le pitsa ya kgauta ya dishekele tse leshome, e tletseng dibano;
15 le pohwana ya kgomo, le pheleu, le konyana e tona e lemo se le seng, e be setjheso;
16 le phooko ya sehlabelo sa sebe;
17 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Nasone, mora Amminadabe.
18 Ka tsatsi la bobedi, Nethaneele, mora Tsuare, morena wa Issaskare, a hlahisa kabelo ya hae.
19 A tlisa kabelo ya hae, e leng mokeke wa silefera, boima ba wona e le dishekele tse lekgolo le mashome a mararo; le morifi wa silefera, wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole e be nyehelo;
20 le pitsa ya kgauta ya dishekele tse leshome, e tletseng dibano;
21 le pohwana ya kgomo, le pheleu, le konyana e tona e lemo se le seng, e be setjheso;
22 le phooko ya sehlabelo sa sebe;
23 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Nethaneele, mora Tsaure.
24 Ka tsatsi la boraro, ha tla Eliabe, mora Helone, morena wa bara ba Sabulone.
25 Kabelo ya hae ya eba mokeke wa silefera, boima ba wona e le dishekele tse lelgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
26 le pitsa ya kgauta ya dishekele tse leshome, e tletseng dibano;
27 le pohwana ya kgomo, le pheleu, le konyana e tona e lemo se le seng, e be setjheso;
28 le phooko ya sehlabelo sa sebe;
29 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Eliabe, mora Helone.
30 Ka tsatsi la bone, ha tla Elitsure, mora Shedeure, morena wa bara ba Rubene.
31 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
32 le pitsa ya kgauta ya dishekele tse leshome, e tletseng dibano;
33 le pohwana ya kgomo, le pheleu, le konyana e tona e lemo se le seng, e be setjheso;
34 le phooko ya sehlabelo sa sebe;
35 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Elitsure, mora Shedeure.
36 Ka tsatsi la bohlano, ha tla Shelumiele, mora Tsurishaddai, morena wa bara ba Simeone.
37 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
38 le pitsa ya kgauta ya dishekele tse leshome, e tletseng dibano;
39 le pohwana ya kgomo, le pheleu, le konyana e tona e lemo se le seng, e be setjheso;
40 le phooko ya sehlabelo sa sebe;
41 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Shelumiele, mora Tsurishaddai.
42 Ka tsatsi la botshelela, ha tla Eliasafe, mora Deuele, morena wa bara ba Gade.
43 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
44 le pitsa ya kgauta ya dishekele tse leshome, e tletseng dibano;
45 le pohwana ya kgomo, le pheleu, le konyana e tona e lemo se le seng, e be setjheso;
46 le phooko ya sehlabelo sa sebe;
47 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Eliasafe, mora Deuele.
48 Ka tsatsi la bosupa, ha tla Elishama, mora Ammihude, morena wa bara ba Efraime.
49 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
50 le pitsa ya kgauta ya dishekele tse leshome, e tletseng dibano;
51 le pohwana ya kgomo, le pheleu, le konyana e tona e lemo se le seng, e be setjheso;
52 le phooko ya sehlabelo sa sebe;
53 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Elishama, mora Ammihude.
54 Ka tsatsi la boroba meno e le mmedi, ha tla Gamaliele, mora Pedahtsure, morena wa bara ba Manasse.
55 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
56 le pitsa ya kgauta ya disheke tse leshome, e tletseng dibano;
57 le pohwana ya kgomo, le pheleu, le konyana e tona e lemo se le seng, e be setjheso;
58 le phooko ya sehlabelo sa sebe;
59 tse sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Gamaliele, mora Pedahtsure.
60 Ka tsatsi la boroba mono o le mong, ha tla Abidane, mora Gideoni, morena wa bara ba Benjamine.
61 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
62 le pitsa ya kgauta ya dishekele tse leshome, e tletseng dibano;
63 le pohwana ya kgomo, le pheleu, le konyana e tona e lemo se le seng, e be setjheso;
64 le phooko ya sehlabelo sa sebe;
65 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Abidane, mora Gideoni.
66 Ka tsatsi la leshome, ha tla Akiesere, mora Ammishaddai, morena wa bara ba Dane.
67 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
68 le pitsa ya kgauta ya dishekele tse leshome, e tletseng dibano;
69 le pohwana ya kgomo, le pheleu, le konyana e tona e lemo se le seng, e be setjheso;
70 le phooko ya sehlabelo sa sebe;
71 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Akiesere, mora Ammishaddai.
72 Ka tsatsi la leshome le motso o mong, ha tla Pagiele, mora Okrane, morena wa bara ba Asere.
73 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
74 le pitsa ya kgauta ya dishekele tse leshome, e tletseng dibano;
75 le pohwana ya kgomo, le pheleu, le konyana e tona e lemo se le seng, e be setjheso;
76 le phooko ya sehlabelo sa sebe;
77 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Pagiele, mora Okrane.
78 Ka tsatsi la leshome le metso e mmedi, ha tla Akira, mora Enane, morena wa bara ba Nefthali.
79 Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo;
80 le pitsa ya kgauta ya dishekele tse leshome, e tletseng dibano;
81 le pohwana ya kgomo, le pheleu, le konyana e tona e lemo se le seng, e be setjheso;
82 le phooko ya sehlabelo sa sebe;
83 tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Akira, mora Enane.
84 Dikabelo tsa ho kgakola aletare, tse tlisitsweng ke marena a Iseraele mohla e tlotswang, ya eba tse kalo: Mekeke e leshome le metso e mmedi ya silefera, le merifi e leshome le metso e mmedi ya silefera, le dipitsa tse leshome le metso e mmedi tsa kgauta.
85 Mokeke o mong le o mong e ne e le wa dishekele tse lekgolo le mashome a mararo tsa silefera; morifi o mong le o mong e ne e le wa tse mashome a supileng; silefera yohle ya dipitsa tseo ya eba dishekele tse kete tse pedi tse nang le makgolo a mane, e leng dishekele tsa sehalalelo.
86 Dipitsa tse leshome le metso e mmedi tsa kgauta, tse tletseng dibano, e nngwe le e nngwe e ne e le ya dishekele tse leshome tsa sehalalelo; kgauta yohle ya dipitsa tseo ya eba dishekele tse lekgolo le mashome a mabedi.
87 Dikgomo tsohle tsa setjheso e bile dipohwana tse leshome le metso e mmedi, le dipheleu tse leshome le metso e mmedi, le dikonyana tse tona tse leshome le metso e mmedi tse lemo se le seng, le dinyehelo tsa ntho tseo; le diphooko tse leshome le metso e mmedi tsa sehlabelo sa sebe.
88 Dikgomo tsohle tsa sehlabelo sa teboho e bile dipoho tse mashome a mabedi a metso e mene, le dipheleu tse mashome a tsheletseng, le diphooko tse mashome a tsheletseng, le dikonyana tse tona tse mashome a tsheletseng tse lemo se le seng. Ke tseo dikabelo tse neng di tliswe ho kgakola aletare ha e ne e sa tswa tlotswa.
89 Ha Moshe a ne e kena tenteng ya pokano ho bua le Jehova, o ne a utlwa lentswe le buang le yena, le tswang pakeng tsa dikerubime tse pedi, sekwahelong se hodima areka ya bopaki; mme o ne a bua le yena.