Numere

³⁵Ba ngotsweng ba leloko la Manasse ya eba dikete tse mashome a mararo a metso a mmedi, tse nang le makgolo a mabedi. ³⁶Ho bara ba Benjamine, ha ngolwa ka meloko ya bona, le ka matlo a bona, le ka matlo a bontata bona, mabitso a banna bohle ba ka yang ntweng, ho qala ka ba dilemo tse mashome a mabedi ho isa ho ba fetang moo. ³⁷Ba ngotsweng ba leloko la Benjamine ya eba dikete tse mashome a mararo a metso e mehlano, tse nang le makgolo a mane. ³⁸Ho bara ba Dane, ha ngolwa ka meloko ya bona, le ka matlo a bona, le ka matlo a bontata bona, mabitso a banna bohle ba ka yang ntweng, ho qala ka ba dilemo tse mashome a mabedi ho isa ho ba fetang moo. ³⁹Ba ngotsweng ba leloko la Dane ya eba dikete tse mashome a tsheletseng a metso e mmedi, tse nang le makgolo a supileng. ⁴⁰Ho bara ba Asere, ha ngolwa ka meloko ya bona, le ka matlo a bona, le ka matlo a bontata bona, mabitso a banna bohle ba ka yang ntweng, ho qala ka ba dilemo tse mashome a mabedi ho isa ho ba fetang moo. ⁴¹Ba ngotsweng ba leloko la Asere ya eba dikete tse mashome a mane a motso o mong, tse nang le makgolo a mahlano.