Numere

⁴Ha ho letswa e le nngwe feela, marena, e leng dihlooho tsa dikete tsa Iseraele, a tla phuthehela ho wena. ⁵Etlare ha le di letsa haholo, makgotla a ka nqa botjhabela a tla tloha. ⁶Etlare ha le boela le di letsa haholo la bobedi, makgotla a ka nqa borwa a tla tloha; di tla letswa haholo hore makgotla a tlohe. ⁷Etlare ha le mema phutheho, le tla di letsa, empa e seng ka modumo o moholo. ⁸Bara ba Aarone, baprista, ba tla letsa diterompeta; ke taelo e sa feleng ho lona le ho meloko ya lona. ⁹Etlare ha le eya ntweng fatsheng la lona, le ya lwantsha dira tse le qalang, le tla letsa diterompeta haholo, mme le tla hopolwa pela Jehova, Modimo wa lona, mme le tla namolelwa matsohong a dira tsa lona. ¹⁰Matsatsing a lona a ho thaba, mohla mekete ya lona, le thwasong ya dikgwedi tsa lona, le tla letsa diterompeta, le ntse le hlahisa ditjheso tsa lona, le mahlabelo a lona a teboho, mme le tla hopolwa jwalo pela Modimo wa lona. Ke nna Jehova, Modimo wa lona.