Numere

³Yaba sebaka seo se rewa lebitso la Tabeera, kahobane mollo wa Jehova o ne o tukile hara bona. ⁴Le bona baditjhaba ba leng hara bona ba tshwarwa ke boshwata; esita le bona bana ba Iseraele ba boela ba lla, ba re: ⁵Ke mang ya tla re fa nama, re je? Re sa hopotse dihlapi tseo re neng re di ja Egepeta re sa di reke, le dikomkomere, le mahapu, le sholoto, le dieie, le sofothafotha; ⁶mme jwale, meya ya rona e omeletse; ha ho sa le letho; mahlo a rona a se a bona manna feela. ⁷Manna e ne e ka hlaku ya koriandere, mme ka mmala e ne e tshwana le badela; ⁸setjhaba se ne se qhalana, se tle se e thonake; ba ne ba e sila ka malwala, kapa ba e tula ka boloko; ba ne ba e pheha dipitseng, kapa ba ne ba etsa dinkgwa ka yona; ka hanong e ne e utlwahala jwaloka senkgwa se dubilweng ka ole. ⁹Ha phoka e ne e theohela hodima diahelo bosiu, manna le yona e ne e theohela hodima tsona.