Numere

⁷Empa ha ho jwalo le mohlanka wa ka, Moshe; o tshepehile tlung ya ka kaofela; ⁸ke bua le yena ka molomo o bapileng le molomo, ka ho iponahatsa, e seng ka mokgwa wa ho lotha; o boha sefahleho sa Jehova. Ha ho le jwalo, ho ile kang ha le sa ka la tshaba ho bua hampe ka mohlanka wa ka, Moshe, na? ⁹Kgalefo ya Jehova ya ba tukela, mme a tloha. ¹⁰Leru la tloha tenteng; mme hanghang, Miriame ya eba molepera, a ba mosuwana jwaloka lehlwa; Aarone ha a retelehela ho Miriame, a mmona hoba ke molepera. ¹¹Yaba Aarone o re ho Moshe: Oho, monga ka, ke a o rapela, o se ke wa bea hodima rona sebe seo re se entseng ka bowatla, seo re sitilweng ka sona. ¹²Tjhe, a se ke a ba jwaloka lesea le hlahileng le kgathetse, leo nama ya lona nqe nngwe e seng e bodile ha le etswa popelong ya mma lona. ¹³Yaba Moshe o hooeletsa ho Jehova, a re: Oho Modimo, ke a o rapela, mo fodise hle!