Numere

¹¹Ho nno ho etswe jwalo bakeng sa pohwana e nngwe le e nngwe, kapa sa pheleu e nngwe le e nngwe, kapa sa konyana e nngwe le e nngwe, kapa sa potsanyane e nngwe le e nngwe. ¹²Le etse jwalo ka palo ya tseo le di hlahisang, bakeng sa e nngwe le e nngwe, ka palo ya tsona. ¹³Bohle ba tswaletsweng ha eno, ba nno etsa dintho tseo jwalo, mohla ba hlahisang sehlabelo se etswang ka mollo, se monko o monate ho Jehova. ¹⁴Ha motho wa ditjhaba a aheletse hara lona, kapa a tla nne a ahe hara lona kamehla, ha a rata ho hlahisa sehlabelo se etswang ka mollo, se monko o monate ho Jehova, a etse kamoo lona le etsang kateng. ¹⁵Molao o tla ba mong wa phutheho, wa lona le wa moditjhaba ya aheletseng hara lona; e be molao wa kamehla melokong ya lona; kamoo ho leng kateng bakeng sa lona, le bakeng sa modijhaba ho tla ba jwalo pela Jehova. ¹⁶Molao o tla ba mong le mokgwa o tla ba mong ho lona le ho moditjhaba ya aheletseng hara lona. ¹⁷Jehova a bua le Moshe, a re: