Numere

⁷le tshelo ya karolo ya boraro ya hine ya veine, e be monko o monate ho Jehova. ⁸Ha o hlahisa pohwana e be setjheso, kapa sehlabelo se phethang maikano, kapa sehlabelo sa teboho ho Jehova, ⁹ho tliswe, hammoho le pohwana, nyehelo ya dikarolo tse tharo tsa leshome tsa phofo e dubilweng ka ole e lekanang halofo ya hine; ¹⁰nyehelo ya tshelo e be halofo ya hine ya veine; ke sehlabelo se hlahiswang ka mollo, se monko o monate ho Jehova. ¹¹Ho nno ho etswe jwalo bakeng sa pohwana e nngwe le e nngwe, kapa sa pheleu e nngwe le e nngwe, kapa sa konyana e nngwe le e nngwe, kapa sa potsanyane e nngwe le e nngwe. ¹²Le etse jwalo ka palo ya tseo le di hlahisang, bakeng sa e nngwe le e nngwe, ka palo ya tsona. ¹³Bohle ba tswaletsweng ha eno, ba nno etsa dintho tseo jwalo, mohla ba hlahisang sehlabelo se etswang ka mollo, se monko o monate ho Jehova.