Numere

²²Yaba ba itihela fatshe ka difahleho, ba re: Oho, Modimo, wena, Modimo wa meya ya nama yohle, na leha ho sitilwe motho a le mong, o ka halefela phutheho yohle na? ²³Yaba Jehova o bua le Moshe, a re: ²⁴Bua le phutheho, o re: Suthang ka nqa tsohle pela meaho ya Kore, le ya Dathane, le ya Abirame. ²⁵Yaba Moshe o a ema, a ya ho boDathane le Abirame; mme baholo ba Iseraele ba mo sala morao. ²⁶A bua le phutheho, a re: Tlohang pela ditente tsa banna bao ba babe, mme le se ke la ama letho la bona, esere la timeletswa ka baka la dibe tsohle tsa bona. ²⁷Yaba ba tloha pela tente tsa Kore, le Dathane, le Abirame, ka nqa tsohle. Dathane le Abirame ba tswa, ba ema pela menyako ya ditente tsa bona, ba ena le basadi ba bona, le bara ba bona, le bana ba bona ba banyenyane. ²⁸Yaba Moshe o re: Ka hona le tla tseba hoba Jehova o nthomile ho etsa mesebetsi ena yohle, le hoba ha ke etse ke iqalla.