Numere

²⁵Jehova a bua le Moshe, a re: ²⁶O tla bolella Balevi, o re ho bona: Etlare ha le nka ho bana ba Iseraele boshome boo ke le neang bona ka lebitso la bona, e be lefa la lona, le tla nkela Jehova kabelo e emiswang ho boshome boo, e leng boshome ba boshome; ²⁷mme kabelo eo ya lona e tla ballwa lona jwaloka koro e nkwang seotlong, le jwaloka veine e ntjha e nkwang sehatelong. ²⁸Ka mokgwa o jwalo, le lona le tla abela Jehova kabelo boshomeng ba ntho tsohle tseo le tla di nka ho bana ba Iseraele, mme le tla nea moprista Aarone kabelo eo, eo le e abetseng Jehova. ²⁹Dineong tsohle tseo le tla di newa, le tla nkela Jehova dikabelo. Ho tse fetisang ka molemo, le tla kgetha kabelo e kgethehileng. ³⁰O ba bolelle, o re: Etlare hobane le kgethe se molemo, boshome bo tla ballwa Balevi, jwaloka katleho ya seotlo, le jwaloka katleho ya sehatelo. ³¹Le tla bo ja kae le kae, lona le ba matlo a lona; hobane ke moputso wa lona bakeng sa tshebetso eo le e etsang tenteng ya pokano.