Numere

²⁰A fetola, a re: O ke ke wa ba wa feta. Jwale Edomo a tswa ho mo kgahlanyetsa ka batho ba bangata le ka letsoho le matla. ²¹Edomo a hana jwalo ho dumella bana ba Iseraele ho feta naheng ya hae. Yaba Iseraele o a kgeloha. ²²Phutheho yohle ya bana ba Iseraele ya tloha Kadeshe, ya tla thabeng ya Hore. ²³Mme moo, thabeng ya Hore, moeding wa naha ya Edomo, Jehova a re ho Moshe le Aarone: ²⁴Aarone o sa ya orosetswa ho ba tjhaba sa hae; hobane a ke ke a kena fatsheng leo ke le neang bana ba Iseraele, ka baka la hobane le kile la hanyetsa taelo ya ka metsing a Meriba. ²⁵Nka Aarone le mora hae Eleasare, mme o ba nyolosetse thabeng ya Hore. ²⁶O tla hlobodisa Aarone dikobo tsa hae, o di apese Eleasare, mora hae.