Numere

⁷Jwale setjhaba sa tla ho Moshe, sa re: Re sitilwe, hobane re buile hampe ka Jehova le ka wena. Rapela Jehova hore a tlose dinoha tsena ho rona. Moshe a rapella setjhaba. ⁸Yaba Jehova o re ho Moshe: Etsa noha e tjhesang, o e fanyehe sefateng; e mong le e mong ya lomilweng, ya tlang ho e tadima, o tla phela. ⁹Moshe e etsa noha ka koporo, a e fanyeha sefateng; mme e mong le e mong ya lomilweng ke noha, ha a tadima noha ya koporo, o ne a phela. ¹⁰Bana ba Iseraele ba tloha, ba ya emisa Obothe; ¹¹ba tloha Obothe, ba ya emisa thakong tsa Abirame, lefeelleng le malebana le Moabe, ka nqa botjhabela. ¹²Ba tloha moo, ba emisa sekgutlong sa Serede. ¹³Ba tloha teng, ba ya emisa mose wane wa Aarone, e leng noka e phallang feelleng ha e etswa naheng ya Baamore; hobane Arnone ke moedi wa Moabe, mahareng a Moabe le Baamore.