Numere

⁹Moshe e etsa noha ka koporo, a e fanyeha sefateng; mme e mong le e mong ya lomilweng ke noha, ha a tadima noha ya koporo, o ne a phela. ¹⁰Bana ba Iseraele ba tloha, ba ya emisa Obothe; ¹¹ba tloha Obothe, ba ya emisa thakong tsa Abirame, lefeelleng le malebana le Moabe, ka nqa botjhabela. ¹²Ba tloha moo, ba emisa sekgutlong sa Serede. ¹³Ba tloha teng, ba ya emisa mose wane wa Aarone, e leng noka e phallang feelleng ha e etswa naheng ya Baamore; hobane Arnone ke moedi wa Moabe, mahareng a Moabe le Baamore. ¹⁴Ke ka baka leo ho itsweng Bukeng ya Dintwa tsa Jehova: ¹⁵Vahebe wa Sufa, le dinokana tsa Arnone, le ho phalla ha dinokana ho lebileng nqa Are, ho isa moeding wa Moabe.