Numere

³⁸Bara ba Benjamine ka matlo a bona ke bana: ka Bela ho hlahile ntlo ya Babela; ka Ashbele ntlo ya Baashbele; ka Akirame ntlo ya Baakirame; ³⁹ka Shufame ntlo ya Bashufame; ka Hufame ntlo ya Bahufame. ⁴⁰Bara ba Bela ke boArade le Naamane. Ka Arade ho hlahile ntlo ya Baarade; ka Naamane ntlo ya Banaamane. ⁴¹Ke bona bara ba Benjamine ka matlo a bona, le ka palo ya bona; ke batho ba dikete tse mashome a mane a metso e mehlano tse nang le makgolo a tsheletseng. ⁴²Bara ba Dane ke bana ka matlo a bona: ka Shukame ho hlahile ntlo ya Bashukame. Ke wona matlo a Badane, ka matlo a bona. ⁴³Bashukame ka matlo wohle a bona le ka palo ya bona, ke batho ba dikete tse mashome a tsheletseng a metso e mene tse nang le makgolo a mane. ⁴⁴Bara ba Asere ke bana, ka matlo a bona: ka Jimna ho hlahile ba ntlo ya Bajimna; ka Jishvi ntlo ya Bajishvi; ka Beria ntlo ya Baberia.