Numere

¹Jehova a bua le Moshe, a re: ²Laela bana ba Iseraele, o re ho bona: Sehlabelo sa ka le sejo sa ditjheso tsa ka tse nang le monko o monate ho nna, le bone hore le ntlhahisetse tsona ka nako ya tsona. ³Ere ho bona: Ke sena setjheso seo le tla se hlahisetsa Jehova: Ka tsatsi le leng le le leng le tla hlahisa dikonyana tse tona tse pedi tse se nang sekodi, tse lemo se le seng, e nne e be setjheso sa kamehla. ⁴O tla hlaba konyana e nngwe hosasa, e nngwe mantsiboya; ⁵nyehelo e be ya boshome ba efa ya lefi la phofo le dubilweng tekanyong ya bone ya hine ya ole e hlwekileng.