Numere

¹⁷Ka tsatsi la leshome le metso e mehlano la kgwedi, mokete o tla ba teng. Ka matsatsi a supileng ho tla jewa mahobe a se nang ditomoso. ¹⁸Ka tsatsi la pele, le tla ba le phutheho e kgethehileng; le ke ke la etsa mosebetsi le o mong ka lona. ¹⁹Le tla etsetsa Jehova sehlabelo se tjheswang ka mollo, e be setjheso, ka pohwana tse pedi, le pheleu, le dikonyana tse tona tse supileng tse se nang sekodi, tse lemo se le seng. ²⁰Le tla di ekeletsa ka nyehelo ya lefi la phofo le dubilweng ka ole, e ba karolo tse tharo tse boshome ka pohwana, le karolo tse pedi tsa boshome ka pheleu, ²¹le karolo e le nngwe ya boshome ka konyana e nngwe le e nngwe ya tse supileng. ²²Le tla hlaba phooko, e be sehlabelo sa sebe, le tle le etsetswe pheko. ²³Le tla hlahisa mahlabelo ao, kantle ho setjheso sa hosasa, e leng setjheso sa kamehla.