Numere

²⁰Le tla di ekeletsa ka nyehelo ya lefi la phofo le dubilweng ka ole, e ba karolo tse tharo tse boshome ka pohwana, le karolo tse pedi tsa boshome ka pheleu, ²¹le karolo e le nngwe ya boshome ka konyana e nngwe le e nngwe ya tse supileng. ²²Le tla hlaba phooko, e be sehlabelo sa sebe, le tle le etsetswe pheko. ²³Le tla hlahisa mahlabelo ao, kantle ho setjheso sa hosasa, e leng setjheso sa kamehla. ²⁴Le tla a hlahisa ka tsatsi le leng le le leng, ka matsatsi a supileng, e be sejo sa sehlabelo se tjheswang ka mollo, se monko o monate ho Jehova. ²⁵Di tla hlahiswa kantle ho setjheso sa kamehla le tshelo ya sona. Ka tsatsi la bosupa, le tla ba le phutheho e kgethehileng, mme le ke ke la etsa mosebetsi le o mong ka tsatsi leo. ²⁶Ka tsatsi la dithakangwaha, ha le hlahisetsa Jehova nyehelo e ntja, e leng ka mokete wa lona wa diveke, le tla ba le phutheho e kgethehileng; le ke ke la etsa mosebetsi le o mong ka lona.