Numere

⁴O tla hlaba konyana e nngwe hosasa, e nngwe mantsiboya; ⁵nyehelo e be ya boshome ba efa ya lefi la phofo le dubilweng tekanyong ya bone ya hine ya ole e hlwekileng. ⁶Ke setjheso sa kamehla se nnileng sa hlahiswa thabeng ya Sinai; ke sehlabelo se tjheswang ka mollo, se monko o monate ho Jehova. ⁷Tshelo e tla ba ya karolo ya bone ya hine hodima konyana ya hosasa; tshelo ya veine e hlwekileng o tla e etsetsa Jehova nqalong e halalelang. ⁸O tla hlaba konyana ya bobedi mantsiboya, e ena le nyehelo le tshelo tse jwaloka tsa hosasa; ke sehlabelo se tjheswang ka mollo, se monko o monate ho Jehova. ⁹Ka tsatsi la Sabatha, le tla hlaba konyana tse tona tse pedi tse lemo se le seng, tse se nang sekodi; le tla hlahisa nyehelo ya boshome ba bobedi ba efa ya lefi la phofo le dubilweng ka ole, le yona tshelo ya yona. ¹⁰Ke sona setjheso sa Sabatha, sa Sabatha e nngwe le e nngwe, kantle ho setjheso sa kamehla le tshelo ya sona.