Numere

¹Ka kgwedi ya bosupa, ka tsatsi la pele la kgwedi, le tla ba le phutheho e kgethehileng; le ke ke la etsa mosebetsi le o mong ka lona. E tla ba letsatsi la ho letsa diterompeta haholo. ²Le tla hlahisa setjheso se monko o monate ho Jehova sa pohwana, le pheleu, le dikonyana tse tona tse supileng tse se nang sekodi, tse lemo se le seng; ³le nyehelo ya lefi la phofo le dubilweng ka ole; ⁴e be ya karolo tse tharo ta boshome ka pohwana, le ya karolo tse pedi tsa boshome ka pheleu, le ya karolo e le nngwe ya boshome ka konyana e nngwe le e nngwe ya tse supileng. ⁵Le tla hlahisa phooko ya sehlabelo sa sebe, le tle le etsetswe pheko. ⁶Le tla hlahisa mahlabelo ao, kantle ho setjheso le ho nyehelo tsa kgwedi e nngwe le e nngwe, le ho setjheso sa kamehla le nyehelo, le ho ditshelo tse hlahiswang le tsona ka taelo e beilweng. Ke mahlabelo a tjheswang ka mollo, a monko o monate ho Jehova. ⁷Ka tsatsi la leshome la kgwedi eo ya bosupa, le tla ba le phutheho e kgethehileng, mme le tla hlomola meya ya lona; le ke ke la etsa mosebetsi le o mong ka lona.