Numere

²⁰kantle ho setjheso sa kamehla le ho nyehelo le ditshelo. ²¹Ka tsatsi la boraro, le tla hlahisa dipohwana tse leshome le motso o mong, le dipheleu tse pedi, le dikonyana tse tona tse leshome le metso e mene tse se nang sekodi, tse lemo se le seng, hammoho le nyehelo le tshelo tse etsetswang dipohwana, le dipheleu, le dikonyana, ka palo ya tsona le ka taelo e beilweng. ²²Le tla hlahisa phooko ya sehlabelo sa sebe, kantle ho setjheso sa kamehla le ho nyehelo le tshelo. ²³Ka tsatsi la bone, le tla hlahisa dipohwana tse leshome, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng, ²⁴hammoho le nyehelo le ditshelo tse etsetswang dipohwana le dipheleu, le dikonyana, ka palo ya tsona le ka taelo e beilweng. ²⁵Le tla hlahisa phooko ya sehlabelo sa sebe, kantle ho setjheso sa kamehla le ho nyehelo le tshelo. ²⁶Ka tsatsi la bohlano, le tla hlahisa dipohwana tse robileng mono o le mong, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng,