Numere

²³Ka tsatsi la bone, le tla hlahisa dipohwana tse leshome, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng, ²⁴hammoho le nyehelo le ditshelo tse etsetswang dipohwana le dipheleu, le dikonyana, ka palo ya tsona le ka taelo e beilweng. ²⁵Le tla hlahisa phooko ya sehlabelo sa sebe, kantle ho setjheso sa kamehla le ho nyehelo le tshelo. ²⁶Ka tsatsi la bohlano, le tla hlahisa dipohwana tse robileng mono o le mong, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng, ²⁷hammoho le nyehelo le ditshelo tse etsetswang dipohwana, le dipheleu, le dikonyana, ka palo ya tsona le ka taelo e beilweng. ²⁸Le tla hlahisa phooko ya sehlabelo sa sebe, kantle ho setjheso sa kamehla le ho nyehelo le tshelo. ²⁹Ka tsatsi la botshelela, le tla hlahisa dipohwana tse robileng meno e le mmedi, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng,