Numere

²⁷hammoho le nyehelo le ditshelo tse etsetswang dipohwana, le dipheleu, le dikonyana, ka palo ya tsona le ka taelo e beilweng. ²⁸Le tla hlahisa phooko ya sehlabelo sa sebe, kantle ho setjheso sa kamehla le ho nyehelo le tshelo. ²⁹Ka tsatsi la botshelela, le tla hlahisa dipohwana tse robileng meno e le mmedi, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng, ³⁰hammoho le nyehelo le ditshelo tse etsetswang dipohwana, le dipheleu, le dikonyana, ka palo ya tsona le ka taelo e beilweng. ³¹Le tla hlahisa phooko ya sehlabelo sa sebe, kantle ho setjheso sa kamehla le ho nyehelo le tshelo. ³²Ka tsatsi la bosupa, le tla hlahisa dipohwana tse supileng, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng, ³³hammoho le nyehelo le ditshelo tse etsetswang dipohwana, le dipheleu, le dikonyana, ka palo ya tsona le ka taelo e beilweng.