Numere

³²Ka tsatsi la bosupa, le tla hlahisa dipohwana tse supileng, le dipheleu tse pedi, le dikonyana tse tona tse leshome le metso e mene, tse se nang sekodi, tse lemo se le seng, ³³hammoho le nyehelo le ditshelo tse etsetswang dipohwana, le dipheleu, le dikonyana, ka palo ya tsona le ka taelo e beilweng. ³⁴Le tla hlahisa phooko ya sehlabelo sa sebe, kantle ho setjheso sa kamehla le ho nyehelo le tshelo. ³⁵Ka tsatsi la boroba meno e le mmedi, le tla ba le phutheho e phahameng; le ke ke la etsa mosebetsi le o mong ka lona. ³⁶Le tla hlahisa sehlabelo se tjheswang ka mollo, e be setjheso se monko o monate ho Jehova, e leng poho e le nngwe, le pheleu e le nngwe, le dikonyana tse tona tse supileng, tse se nang sekodi, tse lemo se le seng; ³⁷le nyehelo le ditshelo tsa poho, le tsa pheleu, le tsa konyana, ka palo ya tsona le ka taelo e beilweng. ³⁸Le tla hlahisa phooko ya sehlabelo sa sebe, kantle ho setjheso sa kamehla le nyehelo le tshelo.