Numere

⁴e be ya karolo tse tharo ta boshome ka pohwana, le ya karolo tse pedi tsa boshome ka pheleu, le ya karolo e le nngwe ya boshome ka konyana e nngwe le e nngwe ya tse supileng. ⁵Le tla hlahisa phooko ya sehlabelo sa sebe, le tle le etsetswe pheko. ⁶Le tla hlahisa mahlabelo ao, kantle ho setjheso le ho nyehelo tsa kgwedi e nngwe le e nngwe, le ho setjheso sa kamehla le nyehelo, le ho ditshelo tse hlahiswang le tsona ka taelo e beilweng. Ke mahlabelo a tjheswang ka mollo, a monko o monate ho Jehova. ⁷Ka tsatsi la leshome la kgwedi eo ya bosupa, le tla ba le phutheho e kgethehileng, mme le tla hlomola meya ya lona; le ke ke la etsa mosebetsi le o mong ka lona. ⁸Le tla hlahisa setjheso se monko o monate ho Jehova sa pohwana, le pheleu, le dikonyana tse tona tse supileng tse lemo se le seng, tse se nang sekodi. ⁹Le tla di ekeletsa ka nyehelo ya lefi la phofo le dubilweng ka ole; e be karolo tse tharo tsa boshome ka pohwana, le karolo tse pedi tsa boshome ka pheleu, ¹⁰le karolo e le nngwe ya boshome ka konyana e nngwe le e nngwe ya tse supileng.