Numere

¹Jehova a bua le Moshe, a re: ²Pheteletsa bana ba Iseraele ho Bamidiane, o ntoo orohela ho setjhaba sa hao. ³Yaba Moshe o bua le setjhaba, a re: Hlomellang banna ba lona ba ka yang ntweng, ba futuhele Bamidiane, hore ba phethe phetetso ya Jehova hodima Bamidiane. ⁴Le tla romela ntweng banna ba sekete ka leloko le leng le le leng ho meloko yohle ya Iseraele. ⁵Yaba hara diketekete tsa Iseraele ho kgethwa banna ba sekete ka leloko le leng le le leng; ke ho re, ha tswa banna ba dikete tse leshome le metso e mmedi ba hlometseng.