Numere

¹⁸le mpe le ipolokele barwetsana bohle ba pholohileng ba sa kang ba tseba malao a monna. ¹⁹Haele lona, salang ka ntle ho diahelo ka matsatsi a supileng; bohle ba ho lona ba bolaileng motho le bohle ba amileng setopo, ba tle ba itlhatswe ka la boraro le ka la bosupa, bona hammoho le batshwaruwa ba bona. ²⁰Hape le tla hlatswa diaparo kaofela le dintho tsohle tsa letlalo, le tse entsweng ka boya ba dipodi, le dijana tsa mahong. ²¹Moprista Eleasare a bolella bahlanka ba neng ba ile ntweng, a re: Se laetsweng ke Jehova ka molao o neilweng Moshe ke sena: ²²Kgauta, le silefera, le koporo, le tshepe, le boleke, le loto, ²³dintho tsohle tse ka hlolang mollo, le tla di kenya mollong, hore di hlwekiswe; leha ho le jwalo, di tla hlatsuwa le ka metsi a hlatsuo. Tsohle tse ka sitwang ho hlola mollo, le tla di tsobunya metsing. ²⁴Le tla hlatswa diaparo tsa lona ka la bosupa, mme etlaba le hlwekile; hamorao, le tla dumellwa ho kena diahelong.