Numere

²²Kgauta, le silefera, le koporo, le tshepe, le boleke, le loto, ²³dintho tsohle tse ka hlolang mollo, le tla di kenya mollong, hore di hlwekiswe; leha ho le jwalo, di tla hlatsuwa le ka metsi a hlatsuo. Tsohle tse ka sitwang ho hlola mollo, le tla di tsobunya metsing. ²⁴Le tla hlatswa diaparo tsa lona ka la bosupa, mme etlaba le hlwekile; hamorao, le tla dumellwa ho kena diahelong. ²⁵Jehova a re ho Moshe: ²⁶Bala thepa le tse hapilweng kaofela, batho le makgomo, o di bale le ena le moprista Eleasare le dihlooho tsa matlo a phutheho. ²⁷O arole kgapo habedi; karolo e nngwe o e nee bahlabani ba neng ba ile ntweng, e nngwe o e nee phutheho yohle. ²⁸Lefohlong la bahlabani ba ileng ntweng, o nkele Jehova lekgetho; o nke e nngwe hodima tse makgolo a mahlano, leha e le bathong, leha e le dikgomong, le dieseleng, le dikgutshwaneng.