Numere

³⁶Halofo e nngwe ya kgapo, e leng lefohlo la ba neng ba ile ntweng, ya eba dikgutshwane tse dikete tse makgolo a mararo a nang le mashome a mararo a metso e supileng le makgolo a mahlano; ³⁷lekgetho la tseo la Jehova ya eba dikgutshwane tse makgolo a tsheletseng a nang le mashome a supileng a metso e mehlano; ³⁸dikgomo ya eba tse dikete tse mashome a mararo a metso e tsheletseng; ho tseo, tse mashome a supileng a metso e mmedi tsa nkelwa lekgetho la Jehova; ³⁹diesele ya eba tse dikete tse mashome a mararo tse nang le makgolo a mahlano; ho tseo, tse mashome a tsheletseng a motso o mong tsa nkelwa lekgetho la Jehova; ⁴⁰batho ya eba ba dikete tse leshome le metso e tsheletseng; ho bao, ba mashome a mararo a metso e mmedi ba nkelwa lekgetho la Jehova. ⁴¹Ka taelo eo Jehova a neng a mo neile yona, Moshe a nea moprista Eleasare lekgetho la Jehova ka mokgwa wa nyehelo. ⁴²Haele halofo e nngwe ya kgapo, e leng ya bana ba Iseraele, e arotsweng ke Moshe ho ya bahlabani,