Numere

⁴⁷Ba tloha Almone-Diblathaime, ba emisa thabeng tsa Abarime, pela Nebo. ⁴⁸Ba tloha thabeng tsa Abarime, ba emisa mahwatateng a Moabe, pela Jordane, mabapa le Jeriko. ⁴⁹Ba emisa pela Jordane, ho tloha Bethe-Jeshimothe ho isa Abele-Sittime, mahwatateng a Moabe. ⁵⁰Jehova a bua le Moshe mahwatateng a Moabe, pela Jordane, mabapa le Jeriko, ⁵¹a re: Bolella bana ba Iseraele, o re ho bona: Etlare hobane le tshele Jordane, mme le kene naheng ya Kanana, ⁵²le tla lelekisa pela lona baahi bohle ba naha, le senye ditshwantsho tsohle tsa bona tsa majwe, le senye ditshwantsho tsohle tsa bona tse tsholotsweng, mme le senye dinqalo tsohle tsa bona tse diphahameng. ⁵³Le tla hapa naha, mme le tla ikahela ho yona; hobane ke le neile naha, e tle e be leruo la lona.