Numere

⁸Ba tloha Pi-Hahirothe, ba fetela ka nqa lefeelleng ba tshetse lewatle; ba tsamaya matsatsi a mararo feelleng la Ethame, ba emisa Mara. ⁹Ba tloha Mara, ba fihla Elime; teng, Elime, ho ne ho le didiba tse leshome le metso e mmedi tsa metsi, le difate tsa dipalema tse mashome a supileng; mme ba emisa teng. ¹⁰Ba tloha Elime, ba emisa pela Lewatle le Lefubedu. ¹¹Ba tloha Lewatleng le Lefubedu, ba emisa feelleng la Sine. ¹²Ba tloha feelleng la Sine, ba emisa Dofka. ¹³Ba tloha Dofka, ba emisa Alushe. ¹⁴Ba tloha Alushe, ba emisa Refidime, moo setjhaba se sa kang sa fumana metsi a ho nwa.