Numere

³⁵ho qala ka ba dilemo tse mashome a mararo, ho isa ho ba dilemo tse mashome a mahlano, ha ngolwa bohle ba etsang tshebetso ya tente ya pokano. ³⁶Bakehathe ba ngodilweng ka matlo a bona, ya eba dikete tse pedi tse nang le makgolo a supileng a mashome a mahlano. ³⁷Ke bao ba ngodilweng ba matlo a Bakehathe bohle, ba sebetsang ka tenteng ya pokano, e leng bao Moshe le Aarone ba ba ngodileng ka taelo eo Jehova a e neileng Moshe. ³⁸Haele bara ba Gershone ba ngodilweng ka matlo a bona le ka matlo a bontata bona, ³⁹ho qala ka ba dilemo tse mashome a mararo, ho isa ho ba dilemo tse mashome a mahlano, bohle ba kenang tshebetsong ya tente ya pokano, ⁴⁰ba ngodilweng ka matlo a bona le ka matlo a bontata bona, ya eba dikete tse pedi tse nang le makgolo a tsheletseng a mashome a mararo. ⁴¹Ke bona bao ba ngodilweng ba matlo a bara ba Gershone, bohle ba sebetsang tenteng ya pokano, e leng bao Moshe le Aarone ba ba ngodileng ka taelo ya Jehova.