Numere

⁴²Haele ba matlo a bara ba Merari, ba ngodilweng ka matlo a bona le ka matlo a bontata bona, ⁴³ho qala ka ba dilemo tse mashome a mararo, ho isa ho ba dilemo tse mashome a mahlano, bohle ba kenang tshebetsong ya tente ya pokano, ⁴⁴ba ngodilweng ba bona ka matlo a bona le ka matlo a bontata bona, ya eba kete tse tharo tse nang le makgolo a mabedi. ⁴⁵Ke bona bao ba ngodilweng ba matlo a bara ba Merari, bao Moshe le Aarone ba ba ngodileng ka taelo eo Jehova a e neileng Moshe. ⁴⁶Ba ngodilweng bohle ba Balevi, bao Moshe, le Aarone, le marena a Iseraele ba ba ngodileng ka matlo a bona le ka matlo a bontata bona, ⁴⁷ho qala ka ba dilemo tse mashome a mararo ho isa ho ba dilemo tse mashome a mahlano, bohle ba sebetsang tenteng ya pokano, mme ba e jara; ⁴⁸ba ngodilweng bao bohle ya eba dikete tse robileng meno e le mmedi, tse nang le makgolo a mahlano a mashome a robileng meno e le mmedi.