Numere

²⁶Moprista o tla qotsa ho ka tlatsang seatla nyehelong eo, e be ya kgopotso, mme o tla ho tjhesa aletareng; kamora tseo o tla nosa mosadi metsi ao. ²⁷Etlare hobane a mo nose metsi ao, ho tla etsahala hore, ha a fela a itshentse, mme a sitetswe monna wa hae, metsi a tlisang thohako a tla kena ho yena, a hlahise teng ho baba; mpa ya hae e tla kokomoha, letheka la hae le omelle, mme mosadi eo e tla ba thohako hara setjhaba sa habo. ²⁸Empa ha mosadi a sa ka a itshenya, mme ha a hlwekile, a ke ke a hlahelwa ke letho, mme o tla nne a emole. ²⁹Ke oo molao wa poulelo. Etlare hobane mosadi ya leng matleng a monna a kgelohe, mme a itshenye, ³⁰ha moya wa poulelo o eja monna wa hae hore a belaele ka mosadi wa hae, o tla emisa mosadi pela Jehova, mme moprista o tla mo leka ka molao oo wohle. ³¹Monna o tla hloka molato, empa mosadi eo o tla jara bokgopo ba hae.