Numere

¹Ka letsatsi leo Moshe a qetang ho emisa tabernakele, a e tlotsa, a e halaletsa le mesebetsi yohle ya yona, le aletare, le mesebetsi yohle ya yona; a di tlotsa, mme a di kgetha. ²Yaba marena a Iseraele, dihlooho tsa matlo a bontata bona, tseo e leng marena a meloko, a beilweng ho hlahloba ho balwa ha setjhaba, a hlahisa dikabelo tsa wona. ³A tlisa dikabelo tsa wona pela Jehova, e leng makoloi a tsheletseng a ditente, le dipholo tse leshome le metso e mmedi, ke ho re, koloi e le nngwe ka marena a mabedi, pholo e le nngwe ka morena a le mong; a di hlahisa pela tabernakele. ⁴Jehova a bua le Moshe, a re: ⁵Amohela dintho tseo ho bona, ho tle ho etswe tshebetso ya tente ya pokano ka tsona; o di abele Balevi, o nee e mong le e mong ka tshebetso ya hae. ⁶Yaba Moshe o nka makoloi le dipholo, a di nea Balevi. ⁷A nea bara ba Gershone, ka ho lekanyetsa mosebetsi wa bona, makoloi a mabedi le dipholo tse nne;