Numere

¹⁸Ka tsatsi la bobedi, Nethaneele, mora Tsuare, morena wa Issaskare, a hlahisa kabelo ya hae. ¹⁹A tlisa kabelo ya hae, e leng mokeke wa silefera, boima ba wona e le dishekele tse lekgolo le mashome a mararo; le morifi wa silefera, wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole e be nyehelo; ²⁰le pitsa ya kgauta ya dishekele tse leshome, e tletseng dibano; ²¹le pohwana ya kgomo, le pheleu, le konyana e tona e lemo se le seng, e be setjheso; ²²le phooko ya sehlabelo sa sebe; ²³tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Nethaneele, mora Tsaure. ²⁴Ka tsatsi la boraro, ha tla Eliabe, mora Helone, morena wa bara ba Sabulone.