Numere

⁴⁶le phooko ya sehlabelo sa sebe; ⁴⁷tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Eliasafe, mora Deuele. ⁴⁸Ka tsatsi la bosupa, ha tla Elishama, mora Ammihude, morena wa bara ba Efraime. ⁴⁹Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ⁵⁰le pitsa ya kgauta ya dishekele tse leshome, e tletseng dibano; ⁵¹le pohwana ya kgomo, le pheleu, le konyana e tona e lemo se le seng, e be setjheso; ⁵²le phooko ya sehlabelo sa sebe;