Numere

⁶⁵tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Abidane, mora Gideoni. ⁶⁶Ka tsatsi la leshome, ha tla Akiesere, mora Ammishaddai, morena wa bara ba Dane. ⁶⁷Kabelo ya hae ya eba mokeke wa silefera, boima ba wona e le dishekele tse lekgolo le mashome a mararo; le morifi wa silefera wa dishekele tse mashome a supileng, e leng dishekele tsa sehalalelo; tse pedi tseo di ne di tletse lefi la phofo le dubilweng ka ole, e be nyehelo; ⁶⁸le pitsa ya kgauta ya dishekele tse leshome, e tletseng dibano; ⁶⁹le pohwana ya kgomo, le pheleu, le konyana e tona e lemo se le seng, e be setjheso; ⁷⁰le phooko ya sehlabelo sa sebe; ⁷¹tsa sehlabelo sa teboho ya eba poho tse pedi tsa dikgomo, le dipheleu tse hlano, le diphooko tse hlano, le dikonyana tse tona tse hlano tse lemo se le seng. Ke yona kabelo ya Akiesere, mora Ammishaddai.