1 Pagkatapos, si Jesus ay dinala ng Espiritu sa ilang upang tuksuhin ng diyablo.
2 Siya'y nag-ayuno sa loob ng apatnapung araw at apatnapung gabi kaya't siya'y nagutom.
3 Dumating ang diyablo at sinabi sa kanya, “Kung ikaw ang Anak ng Diyos, gawin mo ngang tinapay ang mga batong ito.”
4 Ngunit sumagot si Jesus, “Nasusulat,‘Ang tao'y hindi lamang sa tinapay nabubuhay,kundi sa bawat salitang nagmumula sa bibig ng Diyos.’”